احاة من جور الزمان اللي غدا كنة حريب=واحاه من وقتن تبيع الناس فيه اقرابها
اشوف حضي مثل دلون انقطع وسط القليب=وقلوب خلق اللة علي مدري وش اللي صابها
لكن بعنزها على اللي طالبة ماهو يخيب=ولا حسبت لجعجعة قوم تسن احرابها
ارمي وتخطي بندقي واحيان رمياتي تصيب=وان عدمت فما بها ولا بقطع ارقابها
ما هو يغبنك كود زلة واحد منك قريب=ولا منها بارت النية وبار اصحابها
وبعض الرجال اللي يقول انه على الشدات ذيب=لاكن لما جا لازم لك هقوتك مااحرابها
لا فيه خير ودايم كفة من الجودة عطيب=لا حسبوا اهل الطايله ماهو بظمن احسابها
قد قالوا العراف ما هو يستوي خبث وطيب=والدله الرسلان كلن عارف شرابها
ماينفعك في النايبات الا شبيب ابن شبيب=الضو من شبابها والقوم من نبابها
الشاجع اللي يحتمل للحمل لاشافه صعيب=يصخي بروحه يوم الردي مااصخا بها
فلة حجاجة لا نصيتة فلة الكون الرحيب=وترحيبتة تنسيك عن بقعا وكثر انشابها
وعز الله ان بعض الاوادم عرفها ذنب قطيب=لابارك اللة في معرفتها ولا من جابها
هذا الردي خلة يولي قطع حظة والنصيب=ترا الرجال لهم زكاة وذا زكاة انصابها
وانا على الطولات نفسي طايلة ماهي تهيب=لاباروا الخلان في الخلان سقت اركابها
احب شرب الفال لول مالي بحب السريب=واخاوي اللي هيبته كل الرجال تهابها
والطيب في اللي مايعرف الطيب ماسمية طيب=الطيب للي عارف قدر اللحى وشنابها
ويقطعك ياوقتن جعلنا بين ود وبين جيب=وقت يساوي يا جماعه صقرها بغرابها
ويقطعش يا دنيا تحد النفس للشي المعيب=ويقطعش يانفس لما جا رزقها هبابها
واحاة من جور الزمان اللي غدا كنة حريب=واحاة من وقت تبيع الناس فيه اقرابها
