منتدى منوى الثقافي والادبي
اهلا وسهلا بك اخي الزائرالعزيزالى منتدى منوى الثقافي متمنين لك قضى اجمل الاوقات ويانا وراجين انضمامك الى عالمنا الخاص
منتدى منوى الثقافي والادبي
اهلا وسهلا بك اخي الزائرالعزيزالى منتدى منوى الثقافي متمنين لك قضى اجمل الاوقات ويانا وراجين انضمامك الى عالمنا الخاص
منتدى منوى الثقافي والادبي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يختص بالثقافه والادب
 
الرئيسيةأحدث الصورالتسجيلدخول

 

 الغاز واجوبتها

اذهب الى الأسفل 
4 مشترك
كاتب الموضوعرسالة
اسدالبوادي
نبض المنتدى
نبض المنتدى



عدد المساهمات : 6
تاريخ التسجيل : 25/01/2011

الغاز واجوبتها Empty
مُساهمةموضوع: الغاز واجوبتها   الغاز واجوبتها Emptyالجمعة يناير 28, 2011 9:44 am






اليوم جايبلكم اسأله مع اجوبتهااا واتمنا ان تعجبكم ..,
عن عيال شكلهم شكل البنات
دايماً بين العذارى جالسين
والعذارى هم كذلك جالسات
هم جماد وشوفهم متحركين
كل واحد له حياة وله ممات
( الاسنان )
بسأل العراف ويش اربع بنات
يتعبن اللي مشا في دلهن
فاجراتٍ لاصيام ولا صلاة
ذا ينزلهن وذاك يشلهن
( بنات ورق البلوت )
أنشدك عن رجل يماشع بممشاه
يمشي لفوق ولاتبين مواطيه
عند العمل يربط يمينه بيسراه
تقدر تحسب إخطاه ياللي تماشيه
( الكر اللي يستعمل لصعود النخلة الطويلة )
يا ويش رجلٍ للمطاريش ضاري
رجلٍ على الشدات قلبه عزومي
هو منوة النشمي بعيد المحاري
_اللّي يبوج اسهالها والحزومي
يحمل غلام جاهزٍ للطّواري
يا حلو فزعاته نهار اللّزومي
( الجيب والغلام هو الدبل )
بأنشدك عن بنتين ما بينهن فرق
قِدْم أمّهن وحده ، ووحده وراها
لاغرّبت وحده تصير اختها شرق
ووجيهن ما يختلف محتواها
( لوحات السياراة )
أبنْشد اللي كلْ لغْزٍ يهمّه اللي يحل اللغز دايم تمامِ
ويش الغلام اللي لْصدرك تضمّه ولا مقصدك تقديرٍ واحترامِ
يفزع لكم كان الخطر حلْ بأمّه وفِعْل السبب مطلوب يا ابن الكرامِ
( حزام الامان )
يا ويش بنت دايمٍ ترفع الراس كلٍّ لها من الناس راسه يوطيه
ترفع جميع الروس من خلقة الناس ومن ترفعه ربّه يميته ويحييه
( الوساه او المخده )
ياويش بنتً مالها سو وذنوب والناس من شر البشر عذبوها
ميقافها ماياقفه لابس الثوب ترضي جميع رجالها لابلوها
( النصع )
انشدك عن عذراء عيشته راس رجال تاكل وماكولها مانفعها
رجالها من أحمر الدم ماسال ياعونة الله مايحس بوجعها
( براية القلم )
أنشدك عن هولة وساعٍ عيونها قوية القدرة صغير مقاسها
عرضها بطولها لاناظرْت زولها ست عيونها واصبعين براسها
( بطارية السيارة )

ويش بنتين على روسهن عدة عيال هن خوات وكل وحدة تشيل عيالها
وحدة يوصف بها الطيبين من الرجال واختها ما هوب فال النشامى فالها
( اليد اليمنى واليسرى )
ابنشدك عن ورع في بطن امه مسدوس اسود سواد الليل من دون عمه
اليا ذبحت امه طلع مثل جاسوس واليا طلع علم على ذابح امه
( الصندوق الاسود )
ابنشدك عن عذرى لها عدة عيال وعيالها في بطنها من حديده
واذا ضربنا راسها تلد بالحال ويطلع ولدها ويمسك الى يصيده
( الدباسة )
اسألك عن بنتاًً ملحفة بالعباية عباتها من جنسهابضع لفات
اذا كشفت لبوسها لنهاية تذرف على خدك من الدمع عبرات
( البصل )
اسألك عن بنتاًً فوق سن الثمانين يشوفها العاشق بغاية صباها
خواتها عند البشر بالملايين ولو عمرها ستين محداًً خذاها
وقت الزفاف ترافق البنت بنتين قدامها وحده ووحده وراها
( السيارة )
انشدك عن عشر خوات مابه مثلهن بالبنات
فيهن عروس بالجمال تسوى الوف مولفات
( العشر الاواخر )
أخبرني ويش رجل حمل حمله بنات شالهن فوق ظهره لين جا وقت اللزوم
مابهن ضامر بطن كلهن ملقحات من رمت ورعانها فالرجل عنها يشوم
( الحزام الي يوضع فيه الفشق )
نشدك عن رجلا يتعب لغيره ياكل ولاهب من اكله مستفيد
يخدمك والله اعلم بتدبيره يمشي بأمرك وعلى ماتريد
( المقص )
أنشدك عن عذرا لها الناس خلان اهل الصخى لولاه ويش يعملوني
لاشافها المشتاق لو كان عمسان راح العمس _من حاجرات الجفوني
غدا لها تاريخ في كل ديوان وضحتها من شان ماتبلشوني
( القهوه )
انشدك عن بنتاً الى خشت الساس لو مايبين فعلها ماتشافي
كم فرقت جيران من جملة الناس منزالها عن بعض الأنظار خافي
( سوسة الاسنان )
بنشدك عن عذراء تضيق خاطر السالي ولابه من يواطنها ولابه من يدانيها
لها جند يخدمونه تحت شمس وضلالي ولالها وقت محدد من أيام ولياليها
( المخالفه )
انشدك عن صياد يبي الصيد والمنفعة ان صاد صاد اثنين وان اخطأ صاد اربعه
( صلاة الجمعه )
انشدك عن بنت تحمل بنت وللبنت رجال يحملها
والرجال مصدره من بنت والبنت من بنت مصدرها
( النخله و العذق )
أنشدك عن رجلٍ رفيع وقاره رجلٍ بدونه ما تقلط رْبوعه
طيّب، وطيبه بس خارج دياره والا بْداره ما تبين نفوعه
( جواز السفر )
انشدك عن رجلٍ كنه السيف لا سل تأخذبه اعلوم موكده من خباره
ما هوب هراجٍ ولا بالخبر زل مغير يعطيك الخبر بالاشاره
( عيار الزيت )
انشدك عن عِدّة عْيالٍ مصاغير مكانهم بْحضْن أمّهم ثابْتينا
مْعَذّبين بشغلهم دون تقصير مْرَبّطين بْروسهم يا الفطينا
( بواجي السياره )
ورع صغير وجاب بنت صغيره يا ما بها حلّت كثير المشكلاّت
البنت معروفة في كل ديره ومصدّق قوله بكل الدّيانات
( البصمه )
ويش شيٍ نشا بامر ربٍّ يشا
ان جمعته حصا وان تركته مشا
وان طبخته على النار يصبح عشا
( البيض )
أنشدك عن رجلاً مايقول الا الصحيح له بنات ثنتين في ظهره سواء
ياللي ترمي في البحر ماهو صحيح وياللي ترمي في الفضاء مالك لواء
( الميزان )
أنشدك عن بنت لها بوجه بنت وان جيت للتاليه تلقاها بقفاها
بيها ثلاث وثلاث مميزات للبنت بعدة الوان بكل بنت تراها
( لوحات السيارات )
ياويش عودً غربلوا به عياله عياله المسكين ما يرحمونه
امحرولً ماعاد ياقف لحاله كود انهم برماحهم يطعنونه
( بيت الشعر )
انشدك عن سود حلال اكلهن وامثالهن بيض حرام للبشر
( ليالي رمضان )
وش البنات النايفات المشاريف النادرات الحاظنات بسماهن
ازواج بسم رجل يلم المواليف لويش كثر جموعهن ماحماهن
من كبرهن عروقهن في ثرى السيف رمزاً قبل جور الزمان يحداهن
راحن مع اللي باع عمره ولاشيف عزالله ادرك حاجته من نواهن
( ابراج التجارة بنيويورك )
بانشدك عن رجل ليا اقفاء حكم ناس وليا من أقبل ينتهي الحكم كله
يحكم بعض الناس ويترك بعض الناس ومن حكمه حتى الملوك مستدله
( الإمام غي الصلاة )
اسألك عن رجلٍ رماه الطمع حي في يدين من يعطيه من لحم شاته
رجلٍ حسين الطول والحسن وزي لبس العذارى واحدٍ من صفاته
( الصقر )
انشدك عن رجلً صغيرًمقاسه وتسير في بطنه ملايين الانفار
له دور بارز في مجال السياسه وله في قضايا المجتمع كل الادوار
لوترسله لاكبرجبل شال راسه ومع الاسف لوتنفخه بالنسم طار
( الشيك )
انشدك عن ورع ٍ للمهمات بيطار اسمه على جسمه ماضياتٍ فعوله
ليتعبت امه تشطر للخطار وقف وراها في مواقف بطوله
( مثلث السلامه بالسيارة )
بنشدك عن حي يشيل ميت لا مشى الحي صاح الميت
( جرس المرياع )

بنشدك عن عذرى تجي للرجاجيل يجيبها خمسة وهي ماعصتهم
عيالها قدامها يا المشاكيل عيالها لاكنها ماحملتهم
( القهوه والفناجيل )
انشدك عن رجل له عيون واذان واذا بغيت نفعه تربط اذانه
الله خلق له روس من دون ميزان سبحانه الخالق مزين مكانه
( البرقع )
ويش بنت تذبح الناس بغلاها من غلاها تذبح النفس البريه
متعب الخيل الأصايل في حشاها ميت في بطنها والبنت حيه؟؟
( الخمسمائة)
أبنشدك عن عذرا دايم مشيها خلاف مالها بلمشى قدام نصيبي
واحد يعشقها وواحد منها يعاف حلها ياصاحب القلب البيبي
( الزقارة )
انشدك عن بنتٍ لها وقت محدود بنتٍ تشيل عيالها في حشاها
البنت مزيونه وورعانها سود ولا منكم اللّي ياعرب ما هواها .
( الجحه )
انشد عن الرجال والزول زولين يركب على الرجال بنتٍ تضمّه
يمشي على دربٍ تهابه سلاطين يمشي على درب الخطر ما يهمّه
( الملقاط )
أنا بنشدك عن سمرا تجيب من الخفايا أخبار تشوف أخبارها في وجهها لو ماتكلمها
تعلم بالعلوم الخافيه وتبين الأسرار لها فضل كبير ماحد ينكر مكارمها
( أشاعة المستشفى )
يا ويش بنت عذبوها هل الكيف بنت تعذب ياهل العرف بالنار
بنت جميلةخشمها يشبه السيف والخصر ملهوف على حب الاخيار
الله على من جالس البنت بالريف في مجلس ما بين ربع وخطار
( الدلة )
أنشدك عن بنتٍ لها عندنا شان لا ضيع القايد تدله طريقه
وتعلمه لا صار ناسي وغلطان وترجعه من طيبها للحققية
( التسبيحه )
انشدك عن رجل يخيفك بطاريه من هيبته كل المخاليق تخشاه
رجل يعطيك الحق لاصرت تعطيه وكلن يعرفه في علومه وطرياه
( الأختبار )


اسالك عن رجل ساكنن له بغبه ولا يظهر الا ساعة يسألونه
يستلحقونه بالسبب من مطبه وليا عطاهم جابته يرجعونه
جسمه نحيل وناحفته المحبة براه سيده يوم زين فنونه
( عيار الزيت )
من يجيني يا عرب بأخبار قوم من عرفناهم على ظهر الذ لول
من عرفناهم وهم في حال نوم صايمينٍ كل أيام الفصول
نايمينٍ ما بهم حيٍّ يقوم من قديم ومن قبل عهد الرسول
_( الحصى )

انا ابنشدك عن شيئ لاهوب يالد ولا مولود عديم الوجد في حين وحين -لا- تشوفونه
قريبٍ لك وعندك مير ما تشوفه وهو موجود الا سبحان ربٍ خالقه شخصه ومكنونه
الا يللي تحبه قول ياربي عساه يعود شبيه الصيد يا بعده على اللي ما يعرفونه

)...
الرجوع الى أعلى الصفحة اذهب الى الأسفل
بن فلاح المصعبي
المـديــر العـــام
المـديــر العـــام
بن فلاح المصعبي


عدد المساهمات : 37
تاريخ التسجيل : 17/01/2011

الغاز واجوبتها Empty
مُساهمةموضوع: رد: الغاز واجوبتها   الغاز واجوبتها Emptyالجمعة يناير 28, 2011 9:51 pm

يعطيك الف عاافيه يالغاالي ع الطرح

استمر بتالقك وابداعك

تحيااتي لشخصك الكريم
الرجوع الى أعلى الصفحة اذهب الى الأسفل
https://manwoa.hooxs.com
قناص منوى
القلم الذهبي
القلم الذهبي



عدد المساهمات : 5
تاريخ التسجيل : 26/01/2011

الغاز واجوبتها Empty
مُساهمةموضوع: رد: الغاز واجوبتها   الغاز واجوبتها Emptyالسبت يناير 29, 2011 7:12 am

مشكور اخوي اسد على الالغاز الرايعة وتسلم لا عدمناك[b]
الرجوع الى أعلى الصفحة اذهب الى الأسفل
صقر منوى
نبض المنتدى
نبض المنتدى
صقر منوى


عدد المساهمات : 25
تاريخ التسجيل : 25/01/2011

الغاز واجوبتها Empty
مُساهمةموضوع: رد: الغاز واجوبتها   الغاز واجوبتها Emptyالسبت يناير 29, 2011 5:27 pm

يعطيك العافيه اخي اسد على الالغاز
لاهنت وسلمت اناملك وونتظر جديدك
الرجوع الى أعلى الصفحة اذهب الى الأسفل
 
الغاز واجوبتها
الرجوع الى أعلى الصفحة 
صفحة 1 من اصل 1
 مواضيع مماثلة
-
» الغاز وبعض الاجوبه

صلاحيات هذا المنتدى:لاتستطيع الرد على المواضيع في هذا المنتدى
منتدى منوى الثقافي والادبي :: الأقســـــــــــام الأدبــــــــــــيه :: عـــذب القـــوافي والشـــعـــر - ابـــداع العــــضو-
انتقل الى: