> مجمــوعه [size=24]الغــاز ....!!
: مجمــوعه الغــاز ....!!
--------------------------------------------------------------------------------
أنشد العربان واللي فاهمين
عن عيال شكلهم شكل البنات
دايماً بين العذارى جالسين
والعذارى هم كذلك جالسات
هم جماد وشوفهم متحركين
كل واحد له حياة وله ممات
( )
بسأل العراف ويش اربع بنات
يتعبن اللي مشا في دلهن
فاجراتٍ لاصيام ولا صلاة
ذا ينزلهن وذاك يشلهن
( )
أنشدك عن رجل يماشع بممشاه
يمشي لفوق ولاتبين مواطيه
عند العمل يربط يمينه بيسراه
تقدر تحسب إخطاه ياللي تماشيه
( )
يا ويش رجلٍ للمطاريش ضاري
رجلٍ على الشدات قلبه عزومي
هو منــوة النشمـي بعيـد المحــــاري
اللّـي يبـوج اسهالها والحزومي
يحمل غــلام جــاهزٍ للطّواري
يـا حلو فزعـاته نهـار اللّزومي
( )
أنشدك عن بنتين ما بينهن فرق
قِدْم أمّهن وحده ، ووحده وراها
لاغرّبت وحده تصير اختها شرق
ووجيهن ما يخـتلف محـــتواها
( )
أبنْشــــــد اللــي كـلْ لغْـزٍ يهـــمّـه اللي يحـــل اللــغـــز دايـــم تمـــامِ
ويش الغلام اللي لْصـــدرك تضـمّه ولا مـــقصـــدك تقديــرٍ واحـتـرامِ
يفــزع لكم كان الخـطـر حــلْ بأمّـه وفِعْل السبب مطلوب يا ابن الكرامِ
( )
يـا ويـش بـنـت دايـمٍ ترفـــع الراس كلٍّ لها من النــاس راســه يوطــيه
ترفع جميع الروس من خلقة الناس ومن ببتــرفــعه ربــّـه يميته ويحييه
( )
ياويش بنتً مالها سو وذنوب والناس من شر البشر عذبوها
ميقافها ماياقفه لابس الثوب ترضي جميع رجالها لابلوها
( )
انشدك عن عذراء عيشته راس رجال تاكل وماكولها مانفعها
رجالها من أحمر الدم ماسال ياعونة الله مايحس بوجعها
( )
أنشدك عن هولة وساعٍ عيونها قوية القدرة صغير مقاسها
عرضها بطولها لاناظرْت زولها ست عيونها واصبعين براسها
( )
ويش بنتين على روسهن عدة عيال هن خوات وكل وحدة تشيل عيالها
وتحدة يوصف بها الطيبين من الرجال واختها ما هوب فال النشامى فالها
( )
ابنشدك عن ورع في بطن امه مدسوس اسودسواد الليل من دون عمه
اليا ذبحت امه طلع مثل جاسوس واليا طلع علم على ذابح امه
( )
ابنشدك عن عذرى لها عدة عيال وعيالها في بطنها من حديده
واذا ضربنا راسها تلد بالحال ويطلع ولدها ويمسك الى يصيده
( )
اسألك عن بنتاًً ملحفة بالعباية عباتها من جنسهابضع لفات
اذا كشفت لبوسها لنهاية تذرف على خدك من الدمع عبرات
( )
اسألك عن بنتاًً فوق سن الثمانين يشوفها العاشق بغاية صباها
خواتها عند البشر بالملايين ولو عمرها ستين محداًً خذاها
وقت الزفاف ترافق البنت بنتين قدامها وحده ووحده وراها
( )
انشدك عن عشر خوات مابه مثلهن بالبنات
فيهن عروس بالجمال تسوى الوف مولفات
( )
أخبرني ويش رجل حمل حمله بنات شالهن فوق ظهره لين جا وقت اللزوم
مابهن ضامر بطن كلهن ملقحات من رمت ورعانها فالرجل عنها يشوم
( )
نشدك عن رجلا يتعب لغيره ياكل ولاهب من اكله مستفيد
يخدمـك والله اعلــم بتدبيره يمشي بأمــرك وعلى مـاتريد
( )
أنشدك عن عذرا لها الناس خلان اهل الصخى لولاه ويش يعملوني
لاشافها المشتاق لو كان عمسان راح العمس من حاجرات الجفوني
غدا لها تاريخ في كل ديوان وضحتها من شــــان ماتبلشوني
( )
انشدك عن بنتاً الى خشت الساس لـــو مايـبـيـن فعـلـهـا ماتـشـافـي
كم فرقت جيران من جملة النـاس منزالها عن بعض الأنظـار خافـي
( )
بنشدك عن عذراء تضيق خاطر السالي ولابه من يواطنها ولابه مـن يدانيهـا
لها جند يخدمونه تحت شمس وضلالي ولالها وقت محدد مـن أيـام ولياليهـا
( )
انشدك عن صياد يبي الصيـد والمنفعـة ان صاد صاد اثنين وان اخطأ صاد اربعه
()
انشدك عن بنت تحمل بنت وللبنت رجال يحملها
والرجال مصدره من بنت والبنت من بنت مصدرها
( )
أنشدك عن رجلٍ رفيع وقـاره رجـلٍ بدونـه مـا تقلـط رْبوعـه
طيّب، وطيبه بس خارج دياره والا بْـداره مــا تبـيـن نفـوعـه
( )
انشدك عن رجلٍ كنه السيف لا سل تأخذبه اعلوم موكده مـن خبـاره
ما هوب هـراجٍ ولا بالخبـر زل مغير يعطيـك الخبـر بالاشـاره
( )
انشدك عن عِدّة عْيالٍ مصاغير مكانهـم بْحضْـن أمّهـم ثابْتيـنـا
مْعَذّبيـن بشغلهـم دون تقصيـر مْرَبّطيـن بْروسهـم يـا الفطينـا
( )
ورع صغيـر وجاب بنت صغيره يا ما بها حلّـت كثير الشكلاّت
البنـت معروفـة في كل ديـره ومصـدّق قولــه بكل الـدّيانـات
( )
ويش شـيٍ نشــــا بامـر ربٍّ يشـا
ان جمعتـه حصـا وان تركتـه مشــا
وان طبختـه على النـار يصبـح عشـــا
( )
أنشدك عن رجلاً مايقول الا الصحيح له بنات ثنتين في ظهره سواء
ياللي ترمي في البحر ماهو صحيح وياللي ترمي في الفضاء مالك لواء
( )
أنشدك عن بنت لها بوجه بنت وان جيت للتاليه تلقاها بقفاهـا
بيها ثلاث وثلاث مميزات للبنت بعدة الوان بكـل بنـت تراهـا
( )
ياويش عودً غربلوا به عياله عياله المسكيـن مـا يرحمونـه
امحرولً ماعاد ياقف لحالـه كود انهـم برماحهـم يطعنونـه
( )
انشدك عن سود حلال اكلهن وامثالهن بيض حرام للبشر
( )
وش البنات النايفات المشاريـــــــــف النادرات الحاظنات بسماهــــن
ازواج بسم رجل يلم المواليـــــــــــف لويش كثر جموعهن ماحماهن
من كبرهن عروقهن في ثرى السيف رمزاً قبل جور الزمان يحداهن
راحن مع اللي باع عمره ولاشيــــف عزالله ادرك حاجته من نواهن
( )
بانشدك عن رجل ليا اقفاء حكم نـــاس وليا من أقبل ينتهي الحكم كلــــه
يحكم بعض الناس ويترك بعض الناس ومن حكمه حتى الملوك مستدله
( )
اسألك عن رجلٍ رماه الطمع حي في يدين من يعطيه من لحم شاته
رجلٍ حسين الطول والحسن وزي لبس العذارى واحدٍ من صفاتــــــه
( )
انشدك عن رجلً صغيرًمقاسه وتسير في بطنه ملايين الانفـــــــار
له دور بارز في مجال السياسه وله في قضايا المجتمع كل الادوار
لوترسله لاكبرجبل شال راســــــه ومع الاسف لوتنفخه بالنسم طـــار
( )
انشدك عن ورع ٍ للمهمات بيطار اسمه على جسمه ماضياتٍ فعوله
ليتعبت امه تشطر للخطـــــــــــار وقف وراها في مواقف بطــــــوله
( )
بنشدك عن حي يشيل ميت لا مشى الحي صاح الميت
( )
من شوقك ركب فوقك وحط مبرومه بمخروقك
هز شوي ونزل مي وابتلّت منه اعروقك
( )
بنشدك عن عذرى تجي للرجاجيل يجيبها خمسة وهـي ماعصتهـم
عيالهـا قدامهـا يـا المشاكيـل عيالهـا لاكنـهـا ماحملتـهـم
( )
انشدك عن رجل له عيون واذان واذا بغيت نفعه تربط اذانه
الله خلق له روس من دون ميزان سبحانه الخالق مزين مكانه
( )
ويش بنت تذبح الناس بغلاها من غلاها تذبح النفس البريه
متعب الخيل الأصايل في حشاها ميت في بطنها والبنت حيه؟؟
( )
أبنشدك عن عذرا دايم مشيها خلاف مالها بلمشى قدام نصيبي
واحد يعشقها وواحـد منـهـا يعـــاف حلها ياصاحب القلب البيبي
( )
انشدك عـن بنـتٍ لها وقـــت محــــدود بنـتٍ تشيــــل عيالها في حشاهــا
البنت مزيــونه وورعـانها ســــــــود ولا منكم اللّـي ياعــرب ما هــواهــا .
( )
انشد عن الرجال والزول زوليــن يركب على الرجال بنتٍ تضـمّـه
يمشي على دربٍ تهابــه سلاطين يمشي على درب الخطــر ما يهمّـه
( )
أنا بنشدك عن سمرا تجيب من الخفايا أخبار تشوف أخبارها في وجههـا لـو ماتكلمهـا
تعلـم بالعلـوم الخافيـه وتبيـن الأسـرار لها فضل كبيـر ماحـد ينكـر مكارمهـا
( )
يا ويش بنت عذبوها هل الكيـــف بنت تعذب ياهل العرف بالنـــــــــار
بنت جميلةخشمها يشبه السيـــف والخصر ملهوف على حب الاخيار
الله على من جالس البنت بالريف في مجلس ما بين ربع وخطـــــــار
( )
أنشدك عن بنتٍ لها عندنا شان لا ضيع القايد تدله طريقه
وتعلمه لا صار ناسي وغلطان وترجعه من طيبها للحققية
( )
انشدك عن رجل يخيفك بطاريه من هيبته كل المخاليق تخشاه
رجل يعطيك الحق لاصرت تعطيه وكلن يعرفه في علومه وطرياه
( )
اسالك عن رجل ساكنن له بغبه ولا يظهر الا ساعة يسألونه
يستلحقونه بالسبب من مطبه وليا عطاهم جابته يرجعونه
جسمه نحيل وناحفته المحبة براه سيده يوم زين فنونـــه
( )
من يجيني يا عرب بأخبار قوم من عرفناهم على ظهر الذ لول
من عرفناهم وهم في حال نوم صايمينٍ كل أيـــــــــــام الفصول
نايمينٍ ما بهـــــــــم حيٍّ يقوم من قديم ومن قبل عهد الرسول
( )
انا ابنشدك عن شيئ لاهوب يالد ولا مولـود عديم الوجد في حين وحين -لا- تشوفونـه
قريبٍ لك وعندك مير ما تشوفه وهو موجود الا سبحان ربٍ خالقـه شخصـه ومكنونـه
الا يللي تحبه قـول ياربـي عسـاه يعـود شبيه الصيد يا بعده على اللي مـا يعرفونـه
( )
--------------------------------------------------------------------------------
أخي الفاضل " مشعل المنقاش" أشكرك على الموضوع
وعلى هالألغاز اللي تخلينا نشغل تفكيرنا شوي
أنا بصراحه حاولة أحل بعضهم " وبروحي بدون مساعدات " وما أدري إذا كان حلي صح ولا لا
بس الألغاز كثير وما فية لياقة فوقفت عند هذا الحد وإن شاء الله لنا عودة
أنشدك عن رجل يماشع بممشاه
يمشي لفوق ولاتبين مواطيه
عند العمل يربط يمينه بيسراه
تقدر تحسب إخطاه ياللي تماشيه
( المقص )
يا ويش رجلٍ للمطاريش ضاري
رجلٍ على الشدات قلبه عزومي
هو منــوة النشمـي بعيـد المحــــاري
اللّـي يبـوج اسهالها والحزومي
يحمل غــلام جــاهزٍ للطّواري
يـا حلو فزعـاته نهـار اللّزومي
( الجيب)
أنشدك عن بنتين ما بينهن فرق
قِدْم أمّهن وحده ، ووحده وراها
لاغرّبت وحده تصير اختها شرق
ووجيهن ما يخـتلف محـــتواها
( مؤشران البوصلة)
أبنْشــــــد اللــي كـلْ لغْـزٍ يهـــمّـه اللي يحـــل اللــغـــز دايـــم تمـــامِ
ويش الغلام اللي لْصـــدرك تضـمّه ولا مـــقصـــدك تقديــرٍ واحـتـرامِ
يفــزع لكم كان الخـطـر حــلْ بأمّـه وفِعْل السبب مطلوب يا ابن الكرامِ
( الجوال)
يـا ويـش بـنـت دايـمٍ ترفـــع الراس كلٍّ لها من النــاس راســه يوطــيه
ترفع جميع الروس من خلقة الناس ومن ببتــرفــعه ربــّـه يميته ويحييه
( القهوة)
انشدك عن عذراء عيشته راس رجال تاكل وماكولها مانفعها
رجالها من أحمر الدم ماسال ياعونة الله مايحس بوجعها
( السكينة )
أنشدك عن هولة وساعٍ عيونها قوية القدرة صغير مقاسها
عرضها بطولها لاناظرْت زولها ست عيونها واصبعين براسها
(النظارة الطبية )
ابنشدك عن عذرى لها عدة عيال وعيالها في بطنها من حديده
واذا ضربنا راسها تلد بالحال ويطلع ولدها ويمسك الى يصيده
(المسدس وعيالها الفشق )
اسألك عن بنتاًً ملحفة بالعباية عباتها من جنسهابضع لفات
اذا كشفت لبوسها لنهاية تذرف على خدك من الدمع عبرات
( البصل)
أنشدك عن عذرا لها الناس خلان اهل الصخى لولاه ويش يعملوني
لاشافها المشتاق لو كان عمسان راح العمس من حاجرات الجفوني
غدا لها تاريخ في كل ديوان وضحتها من شــــان ماتبلشوني
( القهوه)
انشدك عن بنتاً الى خشت الساس لـــو مايـبـيـن فعـلـهـا ماتـشـافـي
كم فرقت جيران من جملة النـاس منزالها عن بعض الأنظـار خافـي
(الأبره )
انشدك عن بنت تحمل بنت وللبنت رجال يحملها
والرجال مصدره من بنت والبنت من بنت مصدرها
(البيضة )
انشدك عن رجلٍ كنه السيف لا سل تأخذبه اعلوم موكده مـن خبـاره
ما هوب هـراجٍ ولا بالخبـر زل مغير يعطيـك الخبـر بالاشـاره
( التلفاز)
انشدك عن عِدّة عْيالٍ مصاغير مكانهـم بْحضْـن أمّهـم ثابْتيـنـا
مْعَذّبيـن بشغلهـم دون تقصيـر مْرَبّطيـن بْروسهـم يـا الفطينـا
( خيوط مكينة قديمة يستخدمونها البدو لا يحظرني أسمها)
ويش شـيٍ نشــــا بامـر ربٍّ يشـا
ان جمعتـه حصـا وان تركتـه مشــا
وان طبختـه على النـار يصبـح عشـــا
( الفقع)
أنشدك عن رجلاً مايقول الا الصحيح له بنات ثنتين في ظهره سواء
ياللي ترمي في البحر ماهو صحيح وياللي ترمي في الفضاء مالك لواء
(الراديو)
ياويش عودً غربلوا به عياله عياله المسكيـن مـا يرحمونـه
امحرولً ماعاد ياقف لحالـه كود انهـم برماحهـم يطعنونـه
(الكرسي المتنقل )
وش البنات النايفات المشاريـــــــــف النادرات الحاظنات بسماهــــن
ازواج بسم رجل يلم المواليـــــــــــف لويش كثر جموعهن ماحماهن
من كبرهن عروقهن في ثرى السيف رمزاً قبل جور الزمان يحداهن
راحن مع اللي باع عمره ولاشيــــف عزالله ادرك حاجته من نواهن
(النجوم )
اسألك عن رجلٍ رماه الطمع حي في يدين من يعطيه من لحم شاته
رجلٍ حسين الطول والحسن وزي لبس العذارى واحدٍ من صفاتــــــه
(الصقر )
--------------------------------------------------------------------------------
PM
يـا ويـش بـنـت دايـمٍ ترفـــع الراس كلٍّ لها من النــاس راســه يوطــيه
ترفع جميع الروس من خلقة الناس ومن ببتــرفــعه ربــّـه يميته ويحييه
--------------------------------------------------------------------------------
أنشد العربان واللي فاهمين
عن عيال شكلهم شكل البنات
دايماً بين العذارى جالسين
والعذارى هم كذلك جالسات
هم جماد وشوفهم متحركين
كل واحد له حياة وله ممات
الأسـنـان ..
يا ويش رجلٍ للمطاريش ضاري
رجلٍ على الشدات قلبه عزومي
هو منــوة النشمـي بعيـد المحــــاري
اللّـي يبـوج اسهالها والحزومي
يحمل غــلام جــاهزٍ للطّواري
يـا حلو فزعـاته نهـار اللّزومي
هـ اللغـز فـيه لغـزيـن .. والحـل هـو الـجيب ..
ويحمـل غـلام .. والحـل هـو الدبـل ..
وأسجـل أعجابي في حضوري البسيـط ..
ولك جزيل ودي وتقديري ..!!
--------------------------------------------------------------------------------
--------------[/size]------------------------------------------------------------------
vB.
